प्रतिष्ठान र अन्तर्गतका केन्द्रहरूले सञ्चालन गर्दै आएका सिप विकास तालिमहरू
१. आधारभूत सिपमूलक तालिम (Basic Training)
- नेपाल सरकारको स्वीकृत वार्षिक कार्यक्रम अनुसार बेरोजगार एवं योग्य प्रशिक्षार्थीलाई सञ्चालन ।
- स्वीकृत पाठ्यक्रम अनुसार विषयगत रूपमा प्रयोगात्मक र सैद्धान्तिक विधि प्रयोग।
- तालिम अवधिः कम्तिमा ३९० घण्टा ।
- उद्देश्यः श्रम बजारमा प्रतिष्पर्धी सीपयुक्त जनशक्ति आपूर्ति सुनिश्चित गर्नु।
२. सिप अभिवृद्धि तालिम (Advanced Training)
- आधारभूत तालिम प्राप्त पेशागत वा व्यवसायी व्यक्तिलाई लक्षित।
- पाठ्यक्रमः विषयगत प्रयोगात्मक र सैद्धान्तिक विधि।
- तालिम अवधिः पाठ्यक्रमले निर्धारण गरेबमोजिम ।
- उद्देश्यः पेशागत दक्षता अभिवृद्धि गरी बजारमा दक्ष कामदारको आपूर्ति।
३. उद्यमशीलता विकास तालिम (Entrepreneurship Development - EDP)
- प्रशिक्षार्थीलाई रोजगारीप्रति उत्प्रेरित र व्यवसायिक ज्ञान अभिवृद्धि ।
- तालिम मार्फतः
- रोजगारी प्राप्त गर्ने विधि, प्रक्रिया र उपाय सिकाउने।
- ज्ञान, सिप र अनुभवको व्यावसायिक उपयोगिता अभिवृद्धि।
- व्यवसायिक दक्षता र उद्यमशीलता प्रवर्द्धन ।
- हालः अन्य ट्रेडसँग एकीकत तालिम सञ्चालन।
४. प्रशिक्षक प्रशिक्षण (Training of Trainers - ToT)
- तालिम प्रभावकारिता अभिवृद्धि, व्यवस्थापन, योजना निर्माण, प्रतिवेदन लेखन र मूल्याङ्कनका लागि दक्ष प्रशिक्षक आवश्यक ।
- उद्देश्यः श्रम बजारमा दक्ष प्रशिक्षकको सहज आपूर्ति।
- सहकार्यः
- नेपाल प्रशासनिक प्रशिक्षण प्रतिष्ठान (Staff College)
- औद्योगिक व्यवसाय विकास प्रतिष्ठान (IEDI)
- प्राविधिक प्रशिक्षक प्रशिक्षण प्रतिष्ठान (TITI)
५. पूर्वप्रस्थान अभिमुखीकरण तालिम (Pre-Departure Orientation Training - PDOT)
- वैदेशिक रोजगारीका लागि नेपाल र अन्य मुलुकबीचको श्रम सम्झौताअनुसार स्वीकृत पाठ्यक्रम ।
- उद्देश्यः वैदेशिक रोजगारीमा जाने कामदारलाई आवश्यक सिप, ज्ञान र व्यवहारमा सुधार।